أنا مش بعترض على قضاء ربنا... بس قريت خبر في جريدة الوفد...استفزني شوية
قرر وزير الصحة سفر طبيبة الأسعاف, اللي عالجت محمد صديق, الي انجلترا للحصول على الزمالة على نفقة الوزارة...طيب
عيش معايا كدة...اتخرجت من كلية الطب...تقدير عادي جدا...لفت السبع دوخات...لحد مشتغلت في الأستاد...و طبعا دول مبيشتغلوش...هو يعني في كام حادثة بتحصل في الأستاد؟
و في ليلة من الليالي...تلاقي كانت أمها راضية عنها زيادة في الليلة دي...كانت في استاد القاهرة يوم ماتش الأهلي و الجيش... و شافت صديق ع الأرض
اللي كانوا هناك قالوا ان هي نطط من فوق الأعلانات و راحت جري...
و عملت اللي عملته...طلعت لسانه أو ركبتله أنبوبة تنفس...
مش دي النقطة...و بين يوم و ليلة لقت الوزير بيكرمها وبيبعتا لندن عشان تعمل الزمالة على حساب
الوزارة...
يا فرحت أمها بيها!!!...مش دي برضة النقطة
النقطة اللي وقفت عندها كتير هي طريقة تفكير البلد اللي احنا فيها... هي الدكتورة عملت ايه غير وظيفتها؟
على كده في دكاترة بالعبيط هاتروح انجلترا..!!
ولا بس لما تيجي في حد مشهور؟
اللهم لا اعتراض...مبروك عايها الزمالة... و مبروك علينا الأمخاخ اللي عايزة الحرق بجاز ...ولا بلاش نغلط
2 comments:
حظها الحلو وقعها في محمد صديق اللي أصلاً ما كنش عنده حاجة. و بعدين و هي المفروض تسيبه يموت مثلاً. ألله يمسيك بالخير يا أحمد إبراهيم.
بأقولك ايه أنا بعد كده هاروح اقعد في الاستاد. ماشي الكلام
ألف مبروك عليك المدونة الجديدة يا عم ادهم
و تعيش و تعمل مدونات كمان و كمان
و بعدين عادي الدنيا دي حظوظ و لما الحظ يجيلك انت و شطارتك يا تطلع لفوق يا تنزل لتحت
هي طلعت لفوق
و على فكرة انا اشك انهم هيسفروها ولا هتعمل حاجة يا سيدي دي حاجة كده وزارة الصحة في ظل الانجازات بتاعتها حبت تعمل من الحبة قبة و تصيح لنفسها و اهي فرصة قال يعني احنا اللي بنعمل اللي مايتعمل
فهو زي مابقولك دي هيصة و زيطة و طلعت طلعت و هتنزل على مفيش
Post a Comment